Les mots surlignés font l'objet d'une note
1Monsieur, jay receu ce matin advant quentrer au palaix deux vos
2letres, lune par lhome de monsieur d’Ourche. Je luy ay dit quil
3porta ses informations à monsieur ladvocat Boffin et, ce faict, quil
4me balia ses pièces car promptement le feray depecher ; laultre par
5le secretère de Valance sur la quelle jay esté adverty dans lesglise
6(où ce jourdhuy sest faict preche et procession solennelle pour
7loccasion que scavés) par Theseis que hyer monsieur le cardinal
8departit à neuf heures du matin de Moyrens où contre ce quil
9avoyt faict entendre, il alla coucher lundy de Chambery et que
10monsieur de St André l’avoyt dissuadé de prendre leau, luy
11avoyt asseuré les chemins par terre, lavoyt accompagné de quelques
12gentihomes, avoyr envoye par tout de favoriser son voiage
13de sorte que je voy que monsieur de Modieu qui departit
14de ceste ville presque sur la mesme heure luy corira après.
15Je nen ay encores novelles, sil est vray ce que Theseis ma dit
16il ne lattayndra quaujourdhuy, cest que hyer ledit sieur
17cardinal alla coucher à Romans. Il ma adjousté quilz
18marchent en estrange craynte et quoy quon leur die, ilz ne
19se peuvent asseurer ; si aynsi est, ilz auront esté bien ayses de
20anticiper leurs logis et de fère corir ung bruit dung chemin et
21prendre laultre à la manière des gens de ce païs. Jay balié
22en mon logis advant quentrer votre paquet à monsieur de Bigodieres
23qui la ouvert en ma presence et ma asseuré satisfère à votre
24mandement concernant la conduite des Corses et quil se resoluoy
25à employer monsieur de Modieu, du quel il a pris la letre,
26monsieur D’Ylins estoyt present. Quant à lhome de la
27Male Bestie, les affayres se treuvent disposés par justice
28à ce quen escrives ou peut estre moyns, mays son rapporteur
29est absent sur les unze heures. Le chevaucheur ma porté
30deux paquetz venans de cour, toutz deux paraphés par le sieur de Chastelard.
31Ilz sont cy enclos. Je me recommanderay sur ce humblement à vos bones
32graces et prieray le Créateur
33Monsieur, vous donner les sienes de toute santé, santé et prosperité de
34Grenoble, ce premier 7bre 1572
35Votre humble serviteur
36G. Deportes
37[dans la marge gauche]Theseus ma dit de bouche que monsieur du Bouchet lavoyt chargé me presenter ses recommandations,
38me dire que quon aye escript de Salusses, les deux armées chrestienne et turquesque ne sestoient encores hurtées et quil me prioyt luy escrire sil estoyt
39vray que monsieur le baron des Adrestz heut esté faict prisonier. Je luy escris hung mot que jestime nen estre rien
40